Lauro Ikastolako zortzi taldek parte hartu dute azken egunotan Athletic Clubek antolatutako AC Cup txapelketan. Bertan esperientzia bikainak bizi izan dituzte taldekide eta aurkariekin batera.
Ostiraleko inaugurazio desfileak hainbat lehiaketa eta txapelketa eguni eman zien hasiera, denboraldi honetan ikasitako guztia erakusgai jarriz. Ikastolako taldeek txapelketako xede ezberdinetan jokatu zituzten partidak, eta buruan luzaroan iraungo duten bizipenak izan zituzten zelai barruan eta kanpoan ere.
Aipamen berezia gure Lauro D taldearentzat, finalerako bidea gogor landu eta azkenean Kopa altxatzea lortu zuena. Gogoan geratuko zaigu Lantaron taldearekin ateratako azken argazkia, aurkaria izandakoa finalean, baina taldekideak kantxatik kanpo, kirolean benetan zer baloratu behar dugun erakutsiz.
Zorionak neska-mutilak, zuek zarete nagusiak!
