DigiPen Institute of Technology Europe-Bilbao-k elkarlan proiektua proposatu zion Lauro Ikastolari, Lehen Hezkuntzako eta unibertsitateko ikasleen artekoa, hain zuzen, Hezkuntza artistikoa eta digitalizazioa batuz

Ikastolako Lehen Hezkuntzako 2. mailako ikasleak (7-8 urte) mamu-pertsonaiak asmatzera gonbidatu zituzten, gerora DigiPeneko ikasleek digitalizatzeko, gehien bat graduko 2. mailakoek, Animal Anatomy jakintzagaian.

Proiektu hau Heziketa Artistikoa jakintzagaian landu dugu, eta gure ikasleek sormena, artea eta diseinua landu dituzte izaki fantastiko hauek sortzeko. Bai taldetan zein bakarka egin dute, eta ikasleek eurek erabaki dute lan-sistema. Pertsonaiak irudikatzeaz gain, euren deskribapena ere egin izan dute, bizileku, nutrizio, botere eta ezaugarrien inguruko zehaztapenak emanez.

Behin marrazkiak DigiPenera bidalita, bertako ikasleek azterketa anatomiko zehatza egin behar izan dute, baita izakien sortzaileek adierazitako ezaugarriena ere. Emaitzak apartak dira eta unibertsitateko ikasleek ilusio handiz burutu dute lana kide txikiagoek erakutsi duten irudimenari forma eman diotenean.

Izan ere, Ikastolara etorri dira emaitza erakustera eta “diseinatzaileekin” komentatzera”: Steve, DigiPeneko arduraduna; eta Ane, proiektuan parte hartu duen ikaslea. Oso esperientzia aberasgarria izan da.

• 

• 

• 

• 

• 

• 

• 

• 

Lehen Hezkuntzako ikasleek STEAM proiektu honetan landu dutenayecto STEAM:

• Sormena: izaki bat sortzeko askatasuna.
• Hezkidetza: neska-mutilen taldeak, nesken partehartzea sustatuz bideojokoen munduan.
• Hizkuntza: izakien ezaugarriak azaldu.
• Talde-lana eta kolaborazioa: 7-8 urteko ikasleak unibertsitatekoekin elkarlanean.
• Teknologia: sormen artistikoaren digitalizazioaren prozesuan parte hartzea.

Lan hau aurkezpen batean laburtu dizuegu:

Digipen-Lauro de Lauro Ikastola

Digipen – Institute of Technology Europe-Bilbao-k Lauro Ikastolarekin hainbat proiektuetan kolaboratzen du 2013 urtetik, Bilbon ezarri zenean. DigiPen bideo-jokoekiko, artearekiko, teknologiarekiko eta diseinuarekiko pasio partekatua duen komunitate akademikoa da. 30 urte baino gehiagoz, eta AEBn, Singapurren eta Europa-Bilbon nazioarteko hiru campusekin, ikasleak prestatzen dituzte, prestakuntza handiko profesionalak izan daitezen bideojokoen mundu ugarian.