Urtarrilaren 14ean Nerea Ibarzabal Salegi eta Uxue Alberdi Estibaritz izan ditugu Lauron Batxiler lehen mailako ikasleekin, KUKULUMENDI – Pertsonen talentua garatuz hitzaldi-saioen proiektuan parte hartuz.

Nerea eta Uxue ia bi orduz aritu izan dira ikasleen galderei erantzunez eta, nola ez, bertsotan, hainbat ariketen bitartez euren egiteko bikaina erakutsiz.

Ikasleek gidatutako saioan, bertsoa nola sortu, munduan zeharreko ahozko beste tradizioak komentatu, bertsolaritzatzaren azterketa zientifikoa, gaiak prestatzeko egin beharreko lana, eta abarrak tratatu dituzte.

Eskerrik asko Nerea eta Uxue, plazera izan da zuen ezagutza partekatzea eta zuen lan onaz gozatzea! Pribilegiatu sentitzen gara!