DBH 1. eta 2. mailako gurasoek orientabide hitzaldia izan zuten azaroaren 26an, Igor Gaminde Garridoren eskutik, hogei bat guraso bertaratu zirelarik.

Gaiak izan ziren: zibersegurtasuna, pribatasun eta identitate digitala, bideo-jokoak eta sare-sozialak, noiz erosi baliabide eta gailu teknologikoak, arautegi legala edota penala baliabide teknologiko eta digitalen erabilera desegokien inguruan, zein da beharrezkoa dugun erabilera hezkuntzazko eskola-helburuak lortzeko eta eskolaz kanpoko erabilera sozialaren arteko ezberdintasuna, teknologiaren menpekotasuna.

Ondorio nagusienak izan ziren:

• Gomendio orokorra: debekuak ez du inora eramaten. Erabili nahi badute, topatuko dute egiteko bidea.
• Bideojokoak: bi multzotan banatu zituen: adinerako guztiz desegokiak direnak (normalean, +16 urterako direnak) eta besteak. Azken hauek ere badituzte alde txarrak, esaterako erosketak egin ahal direla eta chat-ak dituztela munduko edonorekin hitz egiteko. Beraz, gomendioa da, beti hurbil egotea jolasten daudean, eurekin jokoak komentatzea. Ez debekatu, beti topatutako dute zelan jolastu.
• Eskuko telefonoa: 12 urteak baino lehen ez; baina adin horretatik gora beharrizan soziala dute eta ez izatea kalte handiago izan daiteke izatea baino. Mugikorra ematen denean, beti guraso-agintearekin (App ezberdinak azaldu eta gomendatu zituen).
• Konfidantzazko giroa eraiki: txikitatik oso garrantzitsua, eurekin gai hauetaz hitz egin, hurbil egon, denbora inbertitu, … konfidantza izan dezaten etorkizunean, bereziki nerabezaroan, gurekin informazioa partekatzeko.